Ien is genog veur een wereld in braand
Dus wereld stao op haand in haand
Tekstschriever en componist Kees Hendriks hef een Drentstaolig nummer schreven en opnummen over de oorlog in Oekraïne. Dit nummer, Samen in vrede, is vanof nou te downloaden via de website van streektaolorganisatie Huus van de Taol. In ruil veur het downloaden kuj een vrije gift doen an Giro 555 um op dizze menier de mèensen in en oet Oekraïne half te staon.
Hendriks: “Mangs moej je gevulens even kwiet. Ik doe dat deur ze op te schrieven. “
Hij hef Marco ter Beek en Sandy Altman van de band ROX en zangeres Martijje oet Raol vraogd um het in te zingen, die huufden der niet over nao te dèenken. En nou is Samen in vrede dus een feit.
Het Huus van de Taol hef as officiële instelling een pagina op heur website beschikbaar steld veur de promotie van dit nummer. Alle opbrengsten gaot rechtstreeks zunder umwegen deur naor Giro 555.
Van het nummer is ien cd maakt. Dizze wordt an de hoogste bieder verkocht. Ok hier giet de opbrengst vanzölf hielemaol naor Giro 555.
Het nummer is vanof nou te downloaden op www.huusvandetaol.nl/oekraine .
